The news is by your side.

Advertisement

‘ وزیراعظم عمران خان کی ایمانداری پرکوئی انگلی نہیں اٹھا سکتا‌‌’

لاہور:گورنرپنجاب چوہدری سرور کا کہنا ہے کہ آئین وقانون کی حکمرانی پرحکومت کسی قسم کاسمجھوتہ نہیں کر ے گی، وزیراعظم عمران خان کی ایمانداری پرکوئی انگلی نہیں اٹھا سکتا۔

تفصیلات کے مطابق گورنرپنجاب چوہدری سرور سے صوبائی وزیر اطلاعات فیاض الحسن چوہان کی ملاقات ہوئی ، ملاقات میں گورنرپنجاب نے کہا کہ حکومت کو 2 سال ہوچکے ہیں، باقی 3 بھی پورے کر یں گے ، وزیراعظم عمران خان کی ایمانداری پرکوئی انگلی نہیں اٹھا سکتا۔

گورنرپنجاب کا کہنا تھا کہ ناامیدی پھیلانے والوں کومایوسی کے سواکچھ نہیں ملے گا ، آئین وقانون کی حکمرانی پرحکومت کسی قسم کاسمجھوتہ نہیں کر ے گی، ملک پہلی باردرست سمت میں کامیابی سےآگے بڑ ھ رہا ہے۔

چوہدری سرور نے کہا کہ معاشرے کے کمزور طبقے کی مضبوطی کےعملی اقدامات کر رہے ہیں ، ملک کودرپیش چیلنجز سے نمٹنے کی حکومتی پالیساں کامیاب ہو رہی ہیں ، معاشی اور سفارتی محاذ پر پاکستان نے دنیا میں اپنا مقام بنایا ہے اور موڈیز اور فچ بھی پاکستان کی معاشی ریٹنگ کومثبت قرار دے رہے ہیں۔

وزیراطلاعات پنجاب فیاض الحسن چوہان کا کہنا تھا کہ عمران خان ہی وہ رہنماہےجو ملک مضبوط اور خوشحال بناسکتے ہیں ، حکومت نےملک کومعاشی طور پردیوالیہ ہونے سےبچایا ہے، نیاپاکستان ہاوسنگ اسکیم اوراحساس پروگرام غر یب دوستی کی مثال ہیں اور عوام حکومتی پالیسیوں کے ساتھ ہیں۔

Comments

یہ بھی پڑھیں