اسلام آباد: سرکاری حج اسکیم کے تحت 69 ہزار 534 خوش قسمت عازمین حج کا اعلان کر دیا گیا۔
وزارت مذہبی امور اسلام آباد میں موصول ہونے والی کل 2 لاکھ 80 ہزار 617 درخواستوں کی کمپیوٹرائزڈ قرعہ اندازی کی گئی،قرعہ اندازی میں پہلا نام باجوڑ کے نور رحمان کا نکلا۔دوسرے اور تیسرے نمبر پر بالترتیب خیبر پختونخوا کے پرویز خان شاکر اور اجمل شاہ کے نام آئے، قرعہ اندازی میں آخری نام ہری پور خیبرپختونخوا سے فضل خان کا آیا۔
رواں سال پاکستان سے ایک لاکھ 39 ہزار 68 عازمین فریضہ حج ادا کریں گے۔50 فی صڈ سرکاری جبکہ 50 فیصد پرائیویٹ ٹور آپریٹرز کے ذریعے بھجوائے جائیں گے۔
وزارت مذہبی امور کے مطابق قرعہ اندازی کی تفصیلات آج ہی وزارت کی ویب سائیٹ پر جاری کی دی جائیں گیں،جبکہ تمام درخواست گزاروں کو ایس ایم ایس بھی بحیج دیئے جائیں گے۔
وزیر مذہنی امور سردار یوسف نے کہا کہ تمام کامیاب عازمین 15 مئی تک پاسپورٹ جمع کرانے کے پابند ہوں گے جبکہ قرعہ اندازی سے رہ جانے والے امیدوار متعلقہ بینکوں سے اپنی رقوم واپس لے سکتے ہیں۔