اسلام آباد : حکومت نے مختلف سرکاری اداروں کا خصوصی آڈٹ کرانے کا فیصلہ کرلیا اور آڈٹ کرانے سے متعلق پلان سےآئی ایم ایف کو آگاہ کردیا ہے۔
تفصیلات کے مطابق وفاقی حکومت نے مختلف سرکاری اداروں کا خصوصی آڈٹ کرانے کا فیصلہ کرلیا۔
سوئی سدرن گیس کمپنی، حیسکواور پیسکوکا خصوصی آڈٹ کیا جائے گا ، حکومت نے خصوصی آڈٹ کرانے سے متعلق پلان سےآئی ایم ایف کو آگاہ کردیا ہے۔
- Advertisement -
نگراں حکومت نے خصوصی آڈٹ کیلئے آڈیٹر جنرل کوکہہ دیا ہے اور خصوصی آڈٹ کے اسکوپ اورٹی او آرزکوحتمی شکل دیدی گئی ہے۔
دستاویز میں کہا گیا ہے کہ خصوصی آڈٹ جاری سہہ ماہی کے دوران شروع کرنے کا پلان ہے۔
حکومت نے آئی ایم ایف کو سرکاری اداروں کی کارکردگی بہتر کرنے کی یقین دہانی کراتے ہوئے کہا ہے کہ سرکاری اداروں میں شفافیت لائی جائے گی۔
