کراچی : میٹرک کے سالانہ امتحانات میں لوڈشیڈنگ کے باعث طلبا سخت گرمی میں امتحانی مرکز میں پرچہ دینے پر مجبور ہیں، جس سے بچوں کے نتائج متاثرہونے کا خدشہ ہے۔
تفصیلات کے مطابق میٹرک کے سالانہ امتحانات میں لوڈشیڈنگ کے باعث طلبا پریشان ہیں، گورنمنٹ گرلز سیکنڈری کیمپس اسکول جیکب لائن میں الیکٹرک سسٹم میں خرابی ہوئی۔
اسکول عملہ چوتھے روز بھی فنی خرابی دور نہ کرسکا، طلبا سخت گرمی میں امتحانی مرکزمیں پرچہ دینے پر مجبور ہیں۔
- Advertisement -
اساتذہ نے کہا کہ پسینے سے کاپیاں خراب ہوتی ہیں، بچوں کے نتائج متاثرہونے کا خدشہ ہے، بورڈ آفس اور محکمہ تعلیم توجہ دینے کو تیار نہیں۔
دوسری جانب کراچی میں میٹرک کے امتحانات میں بدنظمی عروج پر پہنچ گئی ہے، بیش تر امتحانی مراکز میں لوڈ شیڈنگ تو کہیں پرچے تاخیر سے پہنچے، جب کہ مختلف مراکز میں حسب معمول کھلے عام نقل ہوتی رہی۔
