کراچی: عیدالاضحیٰ کے موقع پر سرکاری ملازمین کو 5 چھٹیاں ملنے کا امکان ہے، پاکستان ميں عيد الاضحیٰ 29 جون کو ہونے کی پیش گوئی ہے۔
تفصیلات کے مطابق کلائیمٹ ڈیٹا پروسیسنگ سینٹر نے پیش گوئی کی ہے کہ ذی الحج کا چاند 19 جون کو نظر آنے کا قوی امکان ہے، جس کے نتیجے میں پاکستان ميں عيد الاضحیٰ 29 جون بروز جمعرات کو ہوسکتی ہے۔
اگر عیدالاضحیٰ 29 جون کو ہوتی ہے تو پھر حکومت کی جانب سے سرکاری ملازمین کو بدھ 28 جون سے 2 جولائی 2023 تک پانچ چھٹیاں ملنے کی توقع ہے۔
- Advertisement -
اس حوالے سے حکومت کی جانب سے حتمی فیصلہ ذی الحج کی چاند نظر آنے کے بعد کیا جائے گا۔
خیال رہے رویت ہلال کمیٹی کا اجلاس ہر اسلامی مہینے کی 29 ویں تاریخ کو طلب کیا جاتا ہے اور اجلاس کے اختتام پر ہی چاند نظر آنے یا نہ آنے کا حتمی اعلان مرکزی رویت ہلال کمیٹی کرتی ہے۔
