اسلام آباد:حج کی سعادت حاصل کرنے والوں کے لئے اچھی خبر سامنے آگئی ہے، ملک میں حج درخواستوں کی وصولی کا آج سے 15 بینکوں میں آغاز ہو گیا ہے۔ خواتین محرم کے بغیر حج کی سعادت حاصل کرسکیں گی۔
اے آر وائی نیوز کے مطابق وزارت مذہبی امورکا کہنا ہے کہ حج درخواستیں 12دسمبر تک وصول کی جائیں گی جبکہ ایک لاکھ 97ہزار 210 عازمین فریضہ حج ادا کریں گے۔
وزارت کے مطابق اسپانسر شپ اسکیم میں ڈالرز میں ادائیگی سے بہت ہی باکفایت حج پیکج میسر ہے، سمندر پار پاکستانی عبادت کے ساتھ ساتھ ریاست کو بھی مضبوط بنائیں۔
وزارت مذہبی امور کے جاری بیان کے مطابق پہلی مرتبہ شارٹ حج پیکیج کا اجرا کیا گیا ہے، 89 ہزار 605 پاکستانی سرکاری اسکیم کے تحت فریضہ حج ادا کریں گے۔
عمرے کی ادائیگی کیلئے کون سے دن آسان ہیں؟
مقررہ تعدادسے زائددرخواستوں پرقرعہ اندازی سے مدد سے لی جائے گی، اسپانسر شپ اسکیم میں 25 ہزار نشستیں پہلے آئیے پہلے پائیے کی بنیاد پرہونگی، جبکہ ریگولر حج اسکیم کے تحت موصول ہونے والی درخواستوں پر قرعہ اندازی ہوگی۔
