اسلام آباد: سب سے بڑے سرکاری اسپتال پمز کو پبلک پرائیویٹ پارٹنرشپ کے تحت چلانے کی تیاریاں جاری ہے، پمز کومراحلہ وار آؤٹ سورس کرنے کا پلان ہے۔
تفصیلات کے مطابق سب سے بڑے سرکاری اسپتال پمز کو ٹھیکے پر دینے کی تیاری کرلی گئی، ذرائع وزارت صحت نے بتایا کہ
پمز کو پبلک پرائیویٹ پارٹنرشپ کے تحت چلانے کی تیاریاں کی جارہی ہے۔
ذرائع کا کہنا تھا کہ پمز کومراحلہ وار آؤٹ سورس کرنے کا پلان ہے، پہلے فیز میں پمز کا شعبہ ریڈیالوجی، لیب آؤٹ سورس کی جائے گی اور دوسرے فیز میں پمز کے دیگر شعبوں کو آؤٹ سورس کیا جائے گا۔
ذرائع نے کہا ہے کہ تیسرے فیز میں پمز کی کھربوں مالیت اراضی سےمتلعق فیصلہ ہوگا، پمزاسپتال کی رہائشی کالونی میں ریزیڈینشل ٹاورز تعمیر ہوں گے۔
پمز ملازمین نے عید کےبعد پرائیویٹائزیشن کیخلاف احتجاج کا فیصلہ کیا ہے اور پمز ملازمین کی یونینز نے عید کے بعداحتجاج کی تیاریاں شروع کر دی ہیں۔
