ایتھنز : یونان میں نیشنل ہیلتھ سسٹم ریفارمزکےخلاف سرکاری اسپتالوں کے عملےنےچار گھنٹےتک ہڑتال کی اور ریلی نکالی،جس سےمریضوں کو شدیدمشکلات کاسامنا کرناپڑا.
تفصیلات کے مطابق یونان میں حکومت کی جانب سےمجوزہ نیشنل ہیلتھ سسٹم ریفارمز کے خلاف دارالحکومت ایتھنز میں سرکاری اسپتالوں کےعملے نےچار گھنٹےکی ہڑتال کی،میڈیکل اسٹاف کی جانب سے وزارت صحت کی عمارت کے سامنے احتجاج کیا.
وزارت صحت کی عمارت کے سامنے احتجاج کرتے ہوئےریلی کے شرکا کا کہنا تھا کہ ہیلتھ سسٹم میں اصلاحات کا مطلب ہے کہ اسٹاف کو نہ تو مناسب اجرت ملے گی، نہ انہیں چھٹیاں ملیں گی اور نہ ہی اسپتالوں میں جدید مشینری دستیاب ہوگی.
یونان میں اقتصادی اصلاحات کی تجاویز سامنے آنے کےبعد مختلف طبقات کی جانب سے ہڑتالیں اور احتجاج معمول بن گیاہے.
یاد رہے اس سے قبل گذشتہ روز سے ریلوے کے کارکنوں نے احتجاج شروع کررکھا ہے.
واضح رہے کہ گذشتہ سال نومبر میں یونان کے دارالحکومت میں عوام حکومت کی جانب سےمراعات میں کٹوتی اورکفایتی پالیسی کے خلاف ہزاروں افراد نے پارلیمنٹ کے بعد حکومت کے خلاف احتجاج کیا تھا.
