کراچی : گرین لائن بس حادثے کا شکار ہوگئی ، جس کے نتیجے میں کئی افراد زخمی ہوئے جبکہ مسافر شیشے توڑ کر کھڑکیوں سے باہر نکلے۔
تفصیلات کے مطابق کراچی میں ناگن چورنگی کے قریب گرین لائن بس کو حادثہ پیش آیا ، گرین لائن بس بے قابو ہوکر ٹریک سے ہٹ کر فٹ پاتھ پر چڑھ گئی اور جنگلے سے ٹکرا گئی۔
حادثے میں خاتون اور بچے سمیت کئی افراد معمولی زخمی ہوئے جبکہ بس کے اگلے حصے کو نقصان پہنچا۔
ذرائع کا کہنا تھا کہ خانہ بدوش بچہ اچانک سے بس کے سامنے آنے کی وجہ سے حادثہ رونما ہوا
ریسکیوحکام نے بتایا کہ مسافروں کو معمولی نوعیت کی چوٹیں آئیں تاہم حادثے میں زخمی ہونے والی خاتون عباسی شہید اسپتال منتقل کردیا گیا ہے۔
ریسکیو ذرائع نے کہا کہ حادثے کے بعد مسافر شیشہ توڑ کر کھڑکیوں سے باہر نکلے جبکہ لوہے کا جنگلہ اور بھاری بلاک بھی روڈ پر آگرے۔
Comments
- Advertisement -
