کراچی : شادی کے مواقعوں پر اکثر ایسے حیرت انگیز یا دلچسپ واقعات پیش آتے رہتے ہیں جو کافی عرصے تک ذہن نشین رہتے ہیں، کچھ ایسا ہی ایک واقعہ معروف اداکارہ کے گھر بھی پیش آیا۔

اے آر وائی ڈیجیٹل کے پروگرام گڈ مارننگ پاکستان میں کئی مشہور ڈراموں میں مرکزی کردار ادا کرنے والی معروف اداکارہ منزہ عارف نے اپنی چھوٹی بہن کی شادی میں پیش آنے والا سچا واقعہ بیان کیا۔

انہوں نے بتایا کہ بہن کی رخصتی والے دن والدہ نے بہت سارا سامان اس کے ساتھ بھیجنا تھا، جس میں دیگر چیزوں کے ساتھ دولہے کا ولیمے کے دن والا سوٹ بھی شامل تھا لیکن اس وقت ہمارے ہوش اڑگئے جب برائیڈل روم میں رکھے سامان سے دولہا کا سوٹ ہی غائب تھا۔

منزہ عارف نے بتایا کہ وہ جوڑا ہم نے آرڈر پر بنوایا تھا اور ایسا دوسرا سوٹ فوری طور پر بنوانا ناممکن تھا، تو دوسرے دن بازار جاکر دوسرا سوٹ لینا پڑا۔

Comments