The news is by your side.

Advertisement

گجرپورہ زیادتی کیس، دوسرے ملزم کی بھی شناخت ہوگئی

گجرپورہ: لاہور کے علاقے گجرپورہ لنک روڈ پر خاتون سے اجتماعی زیادتی کے واقعے میں ملوث دوسرے ملزم کی بھی شناخت ہوگئی۔

نمائندہ اے آر وائی نیوز کی رپورٹ کے مطابق لاہور کے علاقے گجرپورہ لنک روڈ پر خاتون سے اجتماعی زیادتی کی تحقیقات میں اہم پیش رفت ہوئی ہے، ذرائع کا کہنا ہے کہ واقعے میں ملوث دوسرے ملزم کی بھی شناخت ہوگئی ہے۔

ذرائع کے مطابق گجرپورہ زیادتی کے واقعے میں ملوث دوسرے ملزم کی شناخت وقار الحسن شاہ کے نام سے ہوئی ہے۔

واضح رہے کہ پنجاب پولیس نے گزشتہ رات مرکزی ملزم کو گرفتار کیا تھا ، ملزم کا نام عابد علی ولد اکبر علی ہے، ملزم فورٹ عباس کا رہائشی ہے، جس ملزم کا ڈی این اے میچ ہواس کی عمر 27سال ہے۔

مزید پڑھیں: گجرپورہ کیس ، زیادتی کا شکار خاتون اور ملزم کا ڈی این اے میچ کرگیا

ذرائع کا کہنا تھا کہ ملزم نے ساتھیوں کیساتھ ملکر 2013میں  بھیگھرمیں گھس کرماں بیٹی سے زیادتی کی تھی۔

خیال رہے گجرپورہ زیادتی کیس میں وزیراعلیٰ پنجاب عثمان بزدار کی زیرصدارت تحقیقاتی کمیٹی کا اجلاس ہوا تھا ، جس میں وزیرقانون نے وزیراعلیٰ کو کیس سے متعلق تحقیقات سے آگاہ کیا تھا۔،

اجلاس میں وزیراعلیٰ کو بتایا گیا تھا کہ ڈی این اےمیچنگ سمیت اہم شواہد مل چکے ہیں، متاثرہ خاتون سے سینئرخواتین پولیس افسر رابطے میں ہے، چند گھنٹے میں کیس کےحوالے سے بڑا بریک تھرو سامنے آجائے گا۔

Comments

یہ بھی پڑھیں