The news is by your side.

Advertisement

مشیر خزانہ عبدالحفیظ شیخ نےاقتصادی رابطہ کمیٹی کا اجلاس 18 ستمبر کو طلب کرلیا

اسلام آباد : مشیر خزانہ عبدالحفیظ شیخ نےاقتصادی رابطہ کمیٹی کا اجلاس اٹھارہ ستمبر کو طلب کرلیا، جس میں ملک میں گندم کی صورتحال کا جائزہ لیا جائے گا اوریوتھ لون اسکیم کے لیے ٹیکنیکل گرانٹس جاری کرنے کی سمری پیش کی جائے گی۔

تفصیلات کے مطابق مشیر خزانہ عبدالحفیظ شیخ کی زیر صدارت اجلاس اٹھارہ ستمبر کو ہوگا ، جس میں دو نکاتی ایجنڈے پر غور کیا جائے گا۔

وزیراعظم یوتھ لون اسکیم کے لیے ٹیکنیکل گرانٹس جاری کرنے کی سمری پیش کی جائے گی جبکہ ای سی سی ملک میں گندم کی صورتحال کا جائزہ بھی لے گی۔

یاد رہے 4 ستمبر کو ہونے والے اجلاس میں اقتصادی رابطہ کمیٹی نے گندم کی صورت حال کا جائزہ لیا گیا تھا اور وزارت قومی تحفظ خوراک کو ملک میں گندم اور آٹے کی دستیابی اور قیمتوں میں استحکام کو یقینی بنانے کی ہدایت کی تھی۔

اجلاس میں کھاد کمپنیوں کو گیس سبسڈی کی مد میں 5ارب 85 کروڑ روپے کے بقایا جات ادا کرنے اور مالی سال انیس بیس کے لیے تمباکو سیس ریٹس پر نظرثانی کی بھی منظوری دی گئی تھی جبکہ قرض کی مقامی مارکیٹ میں سرمایہ لگانے والی نان ریذیڈینٹ کمپنیوں کیلئے ٹیکس نظام کو سادہ اورمزید با سہولت بنانے کی بھی منظوری دی گئی تھی۔

اس سے قبل 28 اگست کو ہونے والے اقتصادی رابطہ کمیٹی کے اجلاس میں پاکستان اسٹیل ملز اور پاکستان مشین ٹول فیکٹری کے ملازمین کو تنخواہ ادا کرنے کی منظوری دی گئی تھی۔

Comments

comments

یہ بھی پڑھیں