معروف پاکستانی اداکارہ ہانیہ عامر کی متحدہ عرب امارات (یو اے ای) کی ریاست دبئی میں بھارتی گلوکار و ریپر بادشاہ سے ملاقات کی نئی ویڈیو سوشل میڈیا پر وائرل ہوگئی۔
پاکستانی اداکارہ ہانیہ عامر نے فوٹو اینڈ شیئرنگ ایپ انسٹاگرام پر معروف بھارتی گلوکار و ریپر آدتیہ پرتیک سنگھ سسودیا عرف بادشاہ کے ساتھ نئی ویڈیوز و تصاویر شیئر کی ہے جس میں دونوں پرسنل کنسرٹ کرتے نظر آرہے ہیں۔
View this post on Instagram
ویڈیو میں ہانیہ عامر نے مزاحیہ انداز میں کہا کہ یہاں بادشاہ کا کنسرٹ جاری ہے اور میں اس کنسرٹ کی واحد شرکا ہوں، اسی مزاحیہ کنسرٹ میں بادشاہ نے ہانیہ عامر کے لیے مختلف گانے گنگنائے جبکہ اداکارہ نے بھی بھارتی گلوکار کے کہنے پر گانا گایا۔
اسی دوران بادشاہ نے ہانیہ عامر سے پوچھا کہ کیا تمھیں لگتا ہے کہ سوشل میڈیا پر اتنا ایکٹیو رہنا چاہیے جس پر ہانیہ نے کہا کہ یار! آپ کا مسئلہ کیا ہے؟ جس پر بادشاہ نے جواب دیا۔
View this post on Instagram
بھارتی گلوکار بادشاہ نے کہ کہ ’میرا مسئلہ یہ ہے کہ میں اتنی محنت کرتا ہوں لیکن سوشل میڈیا پر میری اتنی فین فالوونگ نہیں جتنی تمہاری ہے، ایسا کیوں ہے؟‘۔
بھارتی گلوکار کی بات سُن کر ہانیہ عامر اپنی ویڈیو کا اختتام کرتے ہوئے کہتی ہیں کہ پاکستانی اور بھارتی مداحوں کا شکریہ، شب بخیر۔
واضح رہے کہ اس سے قبل بھی ہانیہ عامر نے دبئی میں بھارتی گلوکار و ریپر بادشاہ سے ملاقات کی تھی جس کے بعد ان کے درمیان تعلقات کی چہ مگوئیاں کی جا رہی تھی۔
