لاہور: چیئرمین پی ٹی آئی کے بھانجے حسان نیازی کو ملٹری کی تحویل میں دے دیا گیا۔
تفصیلات کے مطابق 9 مئی جلاؤ گھیراؤ کے کیس میں ملوث مرکزی ملزم حسان نیازی کو لاہور منتقل کر دیا گیا، جہاں انھیں فوج کے حوالے کر دیا گیا ہے۔
پولیس حکام کا کہنا ہے کہ حسان نیازی پر ملٹری کورٹ کے تحت کیس چلنا ہے اس لیے انھیں فوج کی تحویل میں دے دیا گیا ہے، واضح رہے کہ حسان نیازی کو چند روز قبل ایبٹ آباد پولیس نے گرفتار کیا تھا۔
