The news is by your side.

Advertisement

ویکسین کی دونوں خوراکیں‌ لگوانے والے برطانوی وزیر صحت کرونا سے متاثر

لندن: ویکسین کی دو خوراکیں لگوانے کے باوجود برطانیہ کے وزیر صحت کرونا کا شکار ہوگئے۔

خبرایجنسی کی رپورٹ کے مطابق برطانوی وزیرصحت ساجدجاوید کو کرونا کی معمولی علامات تھیں، جس پر انہوں نے ڈاکٹر سے رجوع کیا۔

ڈاکٹرز نے وزیر صحت کو کرونا کی تشخیص کا ٹیسٹ کروانے کی ہدایت کی جس کی رپورٹ آنے پر انہیں وائرس کی تشخیص ہوئی۔ ساجد جاوید کرونا کی دونوں خوراکیں لگوا چکے ہیں۔

ساجد جاوید خود کرونا کی تصدیق کرتے ہوئے بتایا کہ انہیں بہت معمولی سی علامات تھیں۔  کرونا مثبت ہونے کے بعد انہوں نے خود کو قرنطینہ کرلیا ہے۔

انگلینڈ کے چیف میڈیکل آفیسر پروفیسر جاناتھن نے خبردار کیا ہے کہ سخت سردیوں کی آمد متوقع ہے، جس میں کرونا پہلے سے زیادہ پھیلنے کا خدشہ ہے۔

واضح رہے کہ برطانیہ میں آض دوسرے روز بھی کرونا کے پچاس ہزار کیسز رپورٹ ہوئے۔ ماہرین کا خیال ہے کہ انگلینڈ میں کرونا پابندیاں کم ہونے کے باعث کیسز پھیل رہے ہیں۔

Comments

یہ بھی پڑھیں