The news is by your side.

عالیہ بھٹ کی ہالی ووڈ ’ڈیبیو‘ فلم کا ٹریلر ریلیز

بھارتی اداکارہ عالیہ بھٹ کی ڈیبیو ہالی ووڈ فلم ’ہارٹ آف اسٹون‘ کا ٹریلر ریلیز ہوتے ہی چھا گیا۔

فلم ’گنگو بائی کاٹھیاواری‘ سے شہرت کی بلندیوں پر پہنچنے والی اداکارہ عالیہ بھٹ نے سوشل میڈیا پر اپنی ہالی ووڈ ڈیبیو فلم کا ٹریلر ریلیز کیا جسے مداحوں کی جانب سے پسند کیا جارہا ہے۔

اداکارہ آئندہ سال 2023 میں فلم ’ہارٹ آف اسٹون‘ میں اداکاری کے جوہر دکھائیں گی، عالیہ نے بتایا کہ فلم کو نیٹ فلیکس پر ریلیز کیا جائے گا۔

 ایکشن سے بھرپور فلم میں عالیہ بھٹ سمیت اسرائیلی اداکارہ گال گیڈٹ اور آئرلینڈ کے معروف اداکار جیمی ڈورنن مرکزی کرداروں میں شامل ہیں۔

انہوں نے ہالی ووڈ اسٹار کے ساتھ شوٹنگ سے متعلق کہا کہ ’گال گیڈٹ، جیمی ڈورنن اور ہدایت کار ٹام ہارپر کے ساتھ کا کرنے کا تجربہ بہت شاندار رہا ان کے ساتھ اچھا وقت گزرا۔‘

عالیہ کا کہنا تھا کہ ’ہارٹ آف اسٹون میں کچھ مختلف ہے میں انتظار نہیں کرپا رہی کہ دنیا میری فلم کو دیکھے گی۔

شائقین  فلم ٹام ہارپر کی ہدایتکاری میں بننے والی اس ایکشن تھرلر فلم  کی ریلیز کا بے صبری سے انتظار کر رہے ہیں۔

Comments

یہ بھی پڑھیں