لندن: برطانیہ کے ہیتھرو ایئرپورٹ پر پائلٹ نے مہارت کا مظاہرہ کرتے ہوئے مسافروں کی جان بچالی جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کے مطابق برطانیہ میں تیز ہواؤں کے باعث معمولات زندگی درہم برہم ہوگئے ہیں اور متعدد پروازیں بھی منسوخ ہوئی ہیں، ہیتھرو ایئرپورٹ پر لینڈنگ کے دوران طوفانی ہواؤں سے نبرد آزما طیارے کے پائلٹ کی حاضر دماغی نے مسافروں کو بچالیا۔
سماجی رابطے کی ویب سائٹ ٹویٹر پر وائرل ہونے والی ویڈیو میں دیکھا جاسکتا ہے کہ ہیتھرو ایئرپورٹ پر طیارہ لینڈنگ کرنے کے لیے رن وے پر اتر رہا ہے اور تیز ہواؤں کے باعث طیارے کو لینڈنگ میں مشکلات ہورہی ہیں۔
پائلٹ نے کمال مہارت کا مظاہرہ کرتے ہوئے طیارے کو رن وے چھوتے ہی دوبارہ اڑا لیا اس دوران طیارے کو لہراتا ہوا دیکھا جاسکتا ہے۔
We are live now on our Elite Channel from #Heathrow and witnessed this insane #TOGA ! Well done pilot! @British_Airways #BA276 #StormErik pic.twitter.com/WMEvJ4P387
— BIG JET TV (@BigJetTVLIVE) February 8, 2019
اس بات کا خدشہ ظاہر کیا جارہا ہے اگر طیارہ تیز ہواؤں کے دوران لینڈ کرتا تو تباہ ہوسکتا تھا تاہم پائلٹ نے حاضر دماغی کا مظاہرہ کرتے ہوئے طیارے کو دوبارہ اڑانا ہی بہتر سمجھا۔
یہ پڑھیں: روسی فضائیہ کا طیارہ لینڈنگ کے دوران تباہ، 3 افراد ہلاک
واضح رہے کہ گزشتہ ماہ 27 جنوری کو روسی ایئرفورس کا بمبار طیارہ خراب موسم کے دوران ایمرجنسی لینڈنگ کرتے ہوئے تباہ ہوگیا تھا جس کے نتیجے میں عملے کے 3 ارکان ہلاک ہوگئے تھے۔
روسی وزارت دفاع کے مطابق بمبار سپر سونک طیارہ آرٹیک کے علاقے میں معمول کے گشت کے بعد واپس لوٹ رہا تھا جبکہ شدید سرد موسم کے باعث حد نگاہ انتہائی کم تھی جس کی وجہ سے حادثہ پیش آیا۔
