مسلم لیگ ن کی رہنما حنا پرویز بٹ نے اے آر وائی نیوز کی نشریات بند کرنے کے احکامات کا اعتراف کرلیا ہے۔
مسلم لیگ ن کی رہنما حنا پرویز بٹ نے سماجی رابطوں کی ویب سائٹ ٹوئٹر پر اے آر وائی نیوز کی نشریات بند کرنے کے احکامات کا اعتراف کرلیا ہے۔
حنا پرویز نے اپنے ٹوئٹ میں لکھا ہے کہ جو چینل اپنی حرکتوں سے باز نہ آئے اسے بند نہ کریں تو کیا کریں۔
لیگی رہنما نے مزید لکھا کہ اے آر وائی صرف حکومت کیخلاف پروپیگنڈا کرے گا تو اسے بند نہیں کریں گے تو اور کیا کریں گے۔
جو چینل اپنی حرکتوں سے باز نہ آئے، نہ صرف حکومت کےخلاف بلکہ آرمی کیخلاف بھی جھوٹا پروپیگنڈا گرے اور ریاست مخالف حرکات سے بھی باز نہ آئے تو ایسے چینل کو بند نہ کریں تو کیا کریں؟؟؟
— Hina Parvez Butt (@hinaparvezbutt) August 8, 2022
واضح رہے کہ پیمرا نے کیبل آپریٹرز کو اے آر وائی کی نشریات بند کرنے کے احکامات جاری کیے ہیں، جس کے بعد اسلام آباد، لاہور اور راولپنڈی سمیت کئی شہروں میں نشریات بند ہونا شروع ہوگئی ہیں۔
اسلام آباد ہائیکورٹ کے واضح احکامات ہیں کسی چینل کو بند یا نمبر تبدیل نہیں کیاجاسکتا، تاہم عدالتی احکامات کے باوجود اے آر وائی نیوز کی نشریات کیبل پر بند کی جارہی ہیں۔
ذرائع کا کہنا ہے کہ اے آر وائی نیوز کی نشریات حکومتی میڈیا سیل کا بھانڈا پھوڑنے پر بند کی جارہی ہیں۔
مزید پڑھیں: اے آر وائی نیوز کی نشریات بحال نہ کرنے پر پی ایف یو جے کی ملک گیر احتجاج کی دھمکی
دوسری جانب پاکستان فیڈرل یونین آف جرنلسٹ سمیت دیگر صحافتی تنظیموں نے اے آر وائی نیوز کی بندش کی سخت مذمت کرتے ہوئے نشریات فوری بحال نہ ہونے پر ملک گیر احتجاج کی دھمکی دے دی ہے۔
