اداکارہ حرا مانی نے اداکاری اور شادی سے متعلق کھل کر گفتگو کرتے ہوئے کچھ ہوشربا انکشافات کیے ہیں، ان کے مطابق اگر سلمان شیخ سے شادی نہ ہوئی ہوتی تو وہ کم از کم 5 سے 6 شادیاں کرتیں۔
مانی جن کا اصل نام سلمان ثاقب شیخ ہے انھوں نے حرا سے اس وقت شادی کی جب وہ محض 19 سال کی تھیں، دونوں اس وقت دو بچوں مزمل اور ابراہیم کے والدین ہیں جب کہ حرا اپنی شادی کے بعد پاکستانی شوبز انڈسٹری کا جانا مانا نام بن چکی ہیں۔
حرا اور سلمان عموماً اپنی شادی پر کھل کر اظہار خیال کرتے نظر آتے ہیں انھیں ایک رومانوی جوڑا سمجھا جاتا ہے دونوں سوشل میڈیا پر اکثر دلچسپ تصاویر اور ویڈیوز بھی شیئر کرتے ہیں۔
نجی ٹی وی کے پروگرام میں شرکت کے دوران حرا سے میزبان نے پوچھا کہ مانی سے شادی نہ ہوتی تو کیا آپ انڈسٹری کا حصہ ہوتیں جس پر اداکارہ نے حیران کن جواب دیتے ہوئے کہا کہ ’مانی سے شادی نہ کرتی تو میری 5،6 شادیاں ہوچکی ہوتیں‘۔
انھوں نے بتایا کہ وہ ایک دل پھینک قسم کی لڑکی تھیں، مانی سے میں نے پسند کی شادی کی، شاید ان سے شادی نہ ہوتی تو مجھے ہر دوسرا لڑکا اچھا لگ رہا ہوتا، ویسے شادی کے بعد میں اسٹار بن گئی ہوں۔
ایک شو کے دوران حرا یہ بھی کہ چکی ہیں کہ وہ اپنے شوہر کی دوسری بیوی بننا بھی بخوشی قبول کرتیں کیوں کہ وہ بہت خالص آدمی ہیں۔
