خواتین کی بڑی تعداد اپنے بال گرنے کی وجہ سے شدید پریشانی کا شکار رہتی ہے، اگر آپ چاہتی ہیں کہ آپ کے بال گھنے لچکدار اور مضبوط ہوں تو امید ہے کہ اس نسخے پر عمل کرنے سے بہت فائدہ ہوسکتا ہے۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں اداکارہ زرنش خان نے اپنے آزمودہ تیل کا نسخہ بتاتے ہوئے سب کو یہی تیل استعمال کرنے کا مشورہ دیا۔
ارنڈی کا تیل جسے انگریزی میں کیسٹر آئل کہا جاتا ہے بیرونی طور پر ہمارے بالوں کی بہترین نشونما کرتا ہے یہ ہمارے بالوں کی لچک کو بڑھاتا ہے اور ٹوٹ پھوٹ کو کم کرتا ہے اور اس سے بھی بڑھ کر یہ ہمارے بالوں کی جڑوں کو مضبوط بناتا ہے۔
کیسٹر آئل امینو ایسڈ سے بھرپور ہوتا ہے جو سر میں جاکر بالوں کی نشوونما کو متحرک کرتا ہے اور بالوں کی خشکی کو بھی کم کرتا ہے، اس آئل کو استعمال کرنے کے منفرد طریقے موجود ہیں جن میں سے ایک طریقہ سب زیادہ کارآمد ہے۔
اداکارہ زرنش خان نے بتایا کہ جہاں سے بال گررہے ہوں وہاں کیسٹر آئل لگا کر اچھی طرح مالش کریں، اس کے علاوہ بالوں کی جڑوں اور ان کے سروں تک لمبائی میں بھی تیل لگائیں اور دو گھنٹے بعد دھو لیں، آپ کے بال اتنے حسین اور خوبصورت ہوجائیں گے کہ خود دیکھتی رہ جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
