بیجنگ: چین میں ڈیلیوری بوائز نے انسانیت کی نئی مثال قائم کردی، کار تلے روندی جانی والی خاتون کو چند سیکینڈ کے اندر گاڑی کے نیچے سے نکال لیا۔
غیرملکی خبررساں ادارے کی رپورٹ کے مطابق چینی شہر ہونگژو میں بائیک چلانے والی خاتون پر ڈرائیور نے اپنی گاڑی چڑھا دی، حادثے کے فوراً بعد اطراف میں موجود درجنوں ڈیلیوری بوائز جائے وقوعہ کی طرف لپکے اور متاثرہ عورت کو کار کے نیچے سے نکالا لیکن یہ واضح نہیں ہوسکا کہ خاتون زخمی ہے یا ہلاک ہوگئی۔
خوف ناک ویڈیو سوشل میڈیا پر وائرل ہوگئی اور اب تک لاکھوں افراد دیکھ چکے ہیں۔
Just in 11 seconds, dozens of delivery guys lifted and moved a car that ran over a female biker in E China's Hangzhou. Thumbs up! pic.twitter.com/6qUBdf3YlS
— People's Daily, China (@PDChina) July 21, 2020
صارفین نے شعبہ ڈیلیوری سے تعلق رکھنے والے ملازمین کے کردار کو سراہا اور خوب تعریف کی۔ شہریوں کا کہنا ہے کہ یہ لوگ نہ صرف لاک ڈاؤن کے دوران اپنی ذمے داریاں ادا کررہے ہیں بلکہ فلاح کے کاموں میں بھی پیچھے نہیں ہیں۔
رپورٹ کے مطابق اطراف میں موجودہ ڈیلیوری مین نے صرف 11 سیکینڈ کے اندر خاتون کو گاڑی سے نکالا ہے۔