ناردرن کیلیفورنیا: امریکا میں اناڑی ڈرائیور گاڑی ریسٹورنٹ میں لے کر گھس گیا جس کے نتیجے میں خاتون ہلاک اور 7 افراد زخمی ہوگئے۔
غیرملکی خبررساں ادارے کی رپورٹ کے مطابق امریکی ریاست ناردرن کیلی فورنیا میں 69 سالہ ڈرائیور نے غلطی سے بریک کی بجائے ایکسیلیٹر پر پیر رکھ دیا جس کے نتیجے میں گاڑی بے قابو ہوکر ریسٹورنٹ میں جا گھسی، حادثے کے نتیجے میں خاتون ہلاک اور 7 افراد زخمی ہوگئے۔
پولیس کے مطابق خاتون زخموں کی تاب نہ لاتے ہوئے پیر کے روز اسپتال میں دم توڑ گئی، حادثے کے دیگر زخمیوں کو اسپتال میں طبی امداد کی فراہمی جاری ہے۔
حادثے کی سی سی ٹی وی فوٹیج میں دیکھا جاسکتا ہے کہ گاڑی سڑک بیچ سے گزرتے ہوئے ریسٹورنٹ میں گھسی ہوئی ہے اور کھانے کی ٹیبل سمیت دیگر سامان بکھرا پڑا ہے۔
Mall surveillance video obtained by @KPIXtv shows the SUV jumping two curbs, crossing 4 lanes of traffic, before plowing into outdoor diners at Dynasty Chinese Seafood Restaurant. 2 diners are in critical. SJPD says the 69-year-old driver used the accelerator instead of the brake pic.twitter.com/aporE5GoGA
— Betty Yu (@BettyKPIX) October 13, 2020
رپورٹ کے مطابق حادثے کا ذمہ دار ڈرائیور بھی شدید زخمی ہوا اور اس کی گاڑی کو بھی نقصان پہنچا۔
ہوٹل انتظامیہ کا کہنا ہے کہ سین جوز ہوٹل میں کورونا وائرس کے باعث لوگ کم تعداد میں موجود تھے، وبا کے باعث سماجی فاصلے کا خیال رکھا جارہا ہے اور زیادہ تر آن لائن آرڈر ہی بک کیے جاتے ہیں، اسی وجہ سے حادثے میں کم جانی نقصان ہوا۔
