چین میں والدین کے سامنے جھولے سے بچوں کے گرنے کی خوفناک ویڈیو وائرل ہوگئی۔
افسوسناک واقعہ چین کے شہر ہائزہونگ میں پیش آیا حادثے کے نتیجے میں بچوں سمیت 18 افراد زخمی ہوئے جنہیں طبی امداد کے لیے قریبی اسپتال منتقل کیا گیا۔
واقعے کی ویڈیو سوشل میڈیا پر وائرل ہورہی ہے جس میں بچوں کو فروٹ فلائنگ چیئر (جھولے) میں گھومتے دیکھا جاسکتا ہے۔
ویڈیو میں دیکھا جاسکتا ہے کہ اچانک ہی جھولا گر گیا جس کے نتیجے میں ہر طرف چیخ و پکار مچ گئی۔
#china's Hanzhong in Shaanxi province Jul 27, #MadeInChina Swing Ride in an amusement park suddenly collapsed with children on board. Panic onlookers fled from the scene. pic.twitter.com/fUrxq0I5bH
— Northrop Gundam ∀ (@GundamNorthrop) July 28, 2022
پارک میں موجود لوگوں نے بچوں کو باحفاظت وہاں سے نکالا جبکہ واقعے میں خوش قسمتی سے کوئی جانی نقصان نہیں ہوا۔
واضح رہے کہ اس سے قبل برطانیہ کے ٹاؤن ٹٰیم ورتھ کے پارک میں رولر کوسٹر تکنیکی خرابی کے باعث اچانک زمین سے کئی فٹ اونچائی پر رک گئی تھی جس میں متعدد لوگ پھنس گئے تھے اور کئی گھنٹوں کی کوشش کے بعد انہیں ریسکیو کیا گیا تھا۔