پیٹرولیم مصنوعات کے بعد تعمیراتی مٹیریل کی قیمتوں میں ہوشربا اضافہ

لاہور: پیٹرولیم مصنوعات کے بعد تعمیراتی میٹریل کی قیمتوں میں بڑا اضافہ کردیا گیا ہے۔

اے آر وائی نیوز کے مطابق سیمنٹ کی بوری کی قیمت میں ایک ہفتے میں 360 روپے کا اضافہ کیا گیا ہے جس کے بعد سیمنٹ کی بوری کی قیمت 1200 روپے تک پہنچ گئی۔

مارکیٹ ڈیلرز کا کہنا ہے کہ بجری کی قیمت میں 45 روپے فی اسکوئر فٹ اضافہ کیا گیا ہے، بجری 85 سے بڑھ کر 130 روپے فی اسکوئرفٹ ہوگئی ہے۔

ڈیلرز کے مطابق ریت کی فی ٹرالی کی قیمت میں 2500 روپے بڑھائی گئی ہیں جس کے بعد ریت کی ٹرالی کی نئی قیمت 6 ہزار روپے تک پہنچ گئی ہے۔

اسی طرح سریے کی قیمت میں 35 روپے فی کلو گرام گرام بڑھائی گئی ہے سریہ فی ٹن ایک لاکھ 70 ہزار سے بڑھ کر 2 لاکھ پانچ ہزار کا ہوگیا۔

علاوہ ازیں ذرائع کا بتانا ہے کہ چپس، ٹائلز اور پینٹ کی قیمت بھی بڑا اضافہ کردیا گیا ہے۔

Comments