رواں برس عمرے کی سعادت کتنے زائرین نے حاصل کی، اعداد و شمار جاری

ریاض : سعودی وزارت حج و عمرہ نے بیرون ملک سے عمرہ ادائیگی کےلیے سعودی عرب پہنچنے والے زائرین کے اعداد و شمار جاری کردیے۔

عرب میڈیا کے مطابق عمرہ کی سعادت حاصل کرنے کےلیے فضائی، بری اور بحری راستوں سے کل 5 لاکھ 71 ہزار 687 زائرین سعودی عرب پہنچے۔

اعداد و شمار میں بتایا گیا ہے کہ فضائی راستوں سے 5 لاکھ 31 ہزار 546 ، بری راستے سے 40 ہزار 69 زائرین مدینہ منورہ اور مکہ مکرمہ پہچنے جب کہ بحری راستے آنے والوں کی تعداد 72 تھی۔

رپورٹ میں کہا گیا ہے کہ 6 لاکھ 32 ہزار 712 عمرہ ویزے جاری کیے گئے تھے جن میں سے صرف 5 لاکھ 71 ہزار 687 زائرین سعودی عرب پہنچے جب کہ واپس جانے والوں کی تعداد 4 لاکھ 58 ہزار 366 تھی۔

Comments