بڑھتی عمر کے ساتھ چہرے پر جھریاں نمودار ہونے لگتی ہیں لیکن اگر جلد کا خیال نہ رکھا جائے اور جلد خشک ہونے لگے تو قبل از وقت بھی جھریاں پڑ سکتی ہیں۔
اے آر وائی ڈیجیٹل کے مارننگ شو گڈ مارننگ پاکستان میں ڈاکٹر ام راحیل نے جھریوں کو دور کرنے کے لیے آسان طریقہ بتایا۔
سب سے پہلے انار کے چھلکے کو پیس کر اس کا پاؤڈر بنا لیں، (یہ پاؤڈر پورا سال استعمال کیا جاسکتا ہے) گاجر کے چھلکے جو حلوہ بناتے ہوئے نکالے جاتے ہیں، گاجر میں موجود وٹامن اے جلد کو مندمل کرتا ہے، اور 1 کیلے کا چھلکا لے لیں ساتھ میں کیلے کا گودا بھی شامل کریں۔
2 چائے کے چمچ خشک دودھ اور ایک چائے کا چمچ شہد شامل کریں اور تھوڑا سا پانی ڈال کر بلینڈ کرلیں۔
اب اس آمیزے کو ہفتے میں صرف ایک بار استعمال کریں، اس کا چہرے، ہاتھوں اور گردن پر مساج کریں اور جلد میں اچھی طرح جذب ہونے دیں۔
بعد میں اسے سوکھنے کے لیے چھوڑ دیں اور ریلیکس ہو کر بیٹھ جائیں، یہ ماسک کی طرح سے کام کرے گا۔
اس کے بعد چہرہ صاف پانی سے دھو لیں اور کریم یا ناریل کا تیل لگا لیں۔ یہ ماسک ہفتے میں صرف ایک بار استعمال کریں۔
