ٹی ٹوئنٹی ورلڈ کپ سمیت کئی اہم سیریز کی تیاریوں کے لیے قومی کرکٹرز کا کاکول اکیڈمی کے فٹنس کیمپ میں پہلا دن مصروف گزرا۔
پاکستان کرکٹ بورڈ نے ٹی ٹوئنٹی ورلڈ کپ سمیت آنے والی سیریز کی تیاریوں کے لیے پاک فوج کے تعاون سے کاکول اکیڈمی میں فٹنس کیمپ کا انعقاد کیا ہے جو 8 اپریل تک جاری رہے گا۔
گزشتہ روز قومی کھلاڑیوں کا کاکول کیمپ میں پہلا روز تھا جس میں کرکٹرز نے دو مراحل میں ٹریننگ کی اور بارش کے باعث وہ انڈور فزیکل ٹریننگ میں مصروف رہے۔
ٹی ٹوئنٹی کے قومی کھلاڑیوں نے کاکول کیمپ میں پہلے روز دو مراحل میں ٹریننگ کی، ایبٹ آباد میں بارش کے باعث کھلاڑی انڈور فزیکل سرگرمیوں میں مصروف رہے۔
پہلا ٹریننگ دو مراحل پر مبنی رہا، افطار سے قبل کھلاڑیوں کا ابتدائی لائٹ وارم اپ سیشن ہوا جبکہ افطاری کے بعد کھلاڑیوں نے دوسرے اور اہم ٹریننگ سیشن کا آغاز کیا۔
Clicks from the ongoing fitness camp at Army School of Physical Training (ASPT), Kakul #PAKvNZ | #BackTheBoysInGreen pic.twitter.com/TriWxGSvYB
— Pakistan Cricket (@TheRealPCB) March 28, 2024
رواں ہفتے ایبٹ آباد میں بارش کی پیشگوئی کی گئی ہے لیکن کیمپ بارش سے متاثر نہیں ہوگا کیونکہ پاکستان آرمی کی جانب سے قومی کھلاڑیوں کےلیے انڈور سہولیات تیار ہیں۔
Players assemble for the fitness camp at Kakul, Abbottabad ✅#PAKvNZ | #BackTheBoysInGreen pic.twitter.com/cyqyUlpyp2
— Pakistan Cricket (@TheRealPCB) March 26, 2024
واضح رہے کہ یہ پہلا موقع نہیں جب کرکٹرز کو فوجی مرکز میں ٹریننگ کرائی گئی ہو۔ اس سے قبل 2016 میں بھی کھلاڑیوںکی فٹنس بہتر بنانے کے لیے فوج کی زیر نگرانی ٹریننگ کرائی گئی تھی۔
اس کیمپ کے بعد پاکستان ٹیم نے دورہ انگلینڈ میں شاندار کارکردگی کا مظاہرہ کیا تھا۔
