کراچی: پشاور کی 13 سالہ ہدیٰ سیٹھی الیوژن میک اپ کرنے میں مہارت رکھتی ہیں، وہ اپنے اس فن سے سب کو حیران کردیتی ہیں۔
تفصیلات کے مطابق 13 سالہ ہدیٰ سیٹھی نے اے آر وائی نیوز کے مارننگ شو باخبر سویرا میں شرکت کی اور میک اپ میں اپنی مہارت کے بارے میں بتایا۔
ہدیٰ مختلف قسم کے تھری ڈی الیوژن میک اپ آرٹ میں مہارت رکھتی ہیں، کبھی وہ چہرے پر چار آنکھیں سجا لیتی ہیں، تو کبھی دو ہونٹ۔
View this post on Instagram
View this post on Instagram
View this post on Instagram
ہدیٰ نے بتایا کہ انہیں میک اپ کا شروع سے ہی بہت شوق تھا، گزشتہ برس لاک ڈاؤن میں وہ بور ہورہی تھیں تو انہوں نے میک اپ کی یہ منفرد قسم آزمانا شروع کی اور اسے انسٹاگرام پر اپ لوڈ کیا۔
وہ اس وقت اے لیولز کر رہی ہیں، ہدیٰ کا کہنا ہے کہ انہیں گھر والوں کی جانب سے بے حد حوصلہ افزائی ملتی ہے۔ سوشل میڈیا پر لوگ انہیں تنقید کا نشانہ بھی بناتے ہیں لیکن وہ مثبت خیالات پر یقین رکھتی ہیں۔
