بہاولنگر : ایف آئی اے نے انسانی اسمگلنگ اور اغوا برائے تاوان میں ملوث گروہ کے کارندے کو گرفتار کرلیا۔
تفصیلات کے مطابق بہاولنگر میں ایف آئی اے ٹیم نے محلہ نظام پورہ میں کامیاب کارروائی کرتے ہوئے لیبیا سے ڈنکی کے ذریعےاٹلی انسانی اسمگلنگ کرنیوالے گینگ کےکارندے کو گرفتار کرلیا۔
خالد عمر فاروق گینگ کے ملزم عثمان کوایف آئی اے نے گرفتار کرلیا، گینگ نے 3 نوجوانوں کو 24 لاکھ لیکر لیبیا سے اٹلی بھجوایا تھا اور لیبیا پہنچنے کے 5 ماہ بعد نوجوانوں کا گھر والوں سےرابطہ منقطع ہوگیا۔
ایف آئی اے کا کہنا تھا کہ ملزمان نے گھر والوں کو بتایا نوجوانوں کولیبیا پولیس نے گرفتارکرلیاہے ، ملزمان نے نوجوانوں کی واپسی کیلئے اہلخانہ سے 30لاکھ مزید طلب کئے، جس پر ایک نوجوان کی والدہ نےملزمان کو مزید 27 لاکھ روپے دیئے۔
حکام نے بتایا کہ ملزمان نے پھر بھی رابطہ نہیں کروایااورمزیدرقم کاتقاضاکیا، ملزمان نےنوجوانوں کےاہلخانہ کودھمکی دی رقم نہ دی توانہیں قتل کرادیں گے۔
متاثرین نےکارروائی کےلئےایف آئی اےکودرخواست دی اور ایف آئی اےنےکارروائی کرکےملزمان کیخلاف کیس درج کرکے کارروائی کی۔است
