ناراض بیوی کو منانے میں ناکامی پر شوہر نے خودکشی کرلی

لاہور: ناراض بیوی کو منانے میں ناکامی پر پچاس سالہ شخص نے خود کو گولی مار کر خودکشی کرلی، عتیق الرحمان کی بیوی جھگڑ کر والدین کے گھر چلی گئی تھی۔

تفصیلات کے مطابق لاہور میں ناراض بیوی کو منانے میں ناکامی پر شوہر نے خودکشی کرلی، پولیس نے بتایا کہ نواب ٹاؤن میں پچاس سالہ شخص نے خود کو گولی مار لی، عتیق الرحمان کی بیوی جھگڑ کر والدین کے گھر چلی گئی تھی۔

یاد رہے رواں ماہ ہی شیخوپورہ میں شوہر سے جھگڑے کے بعد بیوی نے خود کو گولی مار کر زخمی کرلیا تھا.

پولیس کا بتانا ہے کہ فائرنگ کا واقعہ تھانہ اے ڈویژن کی حدود میں پیش آیا۔

اس سے قبل کراچی کے علاقے نیو ٹاؤن میں چلتی گاڑی میں میاں بیوی کے درمیان جھگڑا ہوا تھا، جس پر شوہر نے خود کو سینے میں گولی مار لی تھی۔

Comments