بھارت کی ریاست آندھرا پردیش میں بیوی سے جھگڑا ہونے کے بعد شوہر نے دو کمسن بیٹوں سمیت انتہائی قدم اٹھا لیا۔
میڈیا رپورٹس کے مطابق افسوسناک واقعہ آندھرا پردیش کے شہر اننت پور میں پیش آیا۔ باپ نے دو بیٹوں کے ہمراہ تالاب میں چھلانگ لگا کر خودکشی کرلی۔
بچوں میں سے ایک کی عمر 9 جبکہ دوسرے کی 6 سال تھی۔ پولیس شکایت موصول ہونے پر جائے وقوعہ پر پہنچ گئی۔ لاشوں کو نکال کر اسپتال منتقل کر دیا گیا۔
- Advertisement -
رپورٹس میں بتایا گیا کہ خودکشی کرنے والا شخص بیوی کے کردار پر شک کرتا تھا اور دونوں میں اس معاملے پر اکثر لڑائی ہوتی تھی۔
پولیس نے خودکشی کے واقعے کی مزید تحقیقات شروع کر دی۔
