مصر میں بے رحم شوہر نے گھریلو جھگڑے پر اپنی بیوی کو فیس بک لائیو آکر ذبح کردیا اور کٹے سر کے ساتھ اپنی سیلفی سسرال والوں کو بھیج دی۔
عالمی خبر رساں ادارے کے مطابق مصر کی پولیس جب سفاک شوہر کو گرفتار کرنے پہنچی تو وہ اپنی بیوی کی سرکٹی لاش کے ساتھ فیس بک لائیو پوسٹ کر رہا تھا۔
مقامی پولیس نے بتایا کہ جب اس نے دیکھا تو اپنے تینوں کم سن بیٹوں کو دبوچ لیا اور دھمکی دی کہ اگر مجھے جانے نہیں دیا گیا تو میں تینوں بچوں کا گلا کاٹ دوں گا۔
آٹھویں کے طالبعلم کی چاقو کے زور پر شادی رچانے کی کوشش
پولیس ٹیم نے ملزم کو باتوں میں الجھائے رکھا اور موقع دیکھ کر اسے گرفتار کرلیا تاہم تینوں بچے کی حفاظت کا خیال بھی رکھا گیا۔
سفاک ملزم نے پولیس کو بتایا کہ بیوی سے جھگڑا ہوا تھا، غصے میں آکر پہلے اسے تشدد کرکے قتل کیا اور پھر گلا کاٹ دیا۔
ہمسائیوں کا کہنا ہے کہ میاں بیوی کے درمیان اکثر جھگڑا رہتا تھا اور بیوی اسے چھوڑ کر بھی چلی گئی تھی لیکن بعد میں صلح ہوگئی۔
