The news is by your side.

Advertisement

مشہور برانڈ کی جانب سے نئی طرز کی گاڑیاں مارکیٹ میں لانے کا اعلان

سیئول: ہنڈائی موٹر گروپ نے ہائیڈروجن سے چلنے والی گاڑیاں متعارف کرانے کا اعلان کر دیا ہے۔

تفصیلات کے مطابق کاریں بنانے والی جنوبی کوریائی کمپنی ہنڈائی نے کہا ہے کہ وہ ہائیڈروجن ٹیکنالوجی بڑھا رہے ہیں، اور 2028 تک اس کی تمام گاڑیوں میں ہائیڈروجن سے چلنے والے انجن نصب ہو جائیں گے۔

ہنڈائی کا کہنا ہے کہ 2023 سے اس کی تیسری جنریشن کی گاڑیاں قیمت میں آدھی، زیادہ طاقت ور اور زیادہ چھوٹی ہوں گی، اور 2030 سے فیول سیل آٹوز الیکٹرک گاڑیوں کی قیمت پر ملیں گی۔

یاد رہے کہ ہنڈائی نے سب سے پہلے ’نیکسو ایس یو وی‘ میں ہائیڈروجن انجن متعارف کروایا تھا، کمپنی کے صدر ایوسن چنگ کا کہنا ہے کہ ان کا مقصد یہ ہے کہ ہائیڈروجن گاڑیاں سب کی پہنچ میں ہوں، ہم 2040 تک دنیا بھر میں ہائیڈروجن گاڑیاں پہنچانا چاہتے ہیں۔

منگل کو اپنے منصوبے متعارف کراتے ہوئے اس گروپ نے ہائی پرفارمنس ہائیڈروجن اسپورٹس کار کا تصور بھی پیش کیا، جس کا نام ’ویژن ایف کے‘ ہے اور یہ فیول سیل اور الیکٹرک بیٹری سے چلے گی، جس کی رینج 600 کلو میٹر ہوگی۔

یہ کار 500 کے وی فیول سیل سسٹم کے ساتھ ہے، جو اس کار کو 4 سیکنڈز سے کم وقت میں زیرو سے 100 کلو میٹر فی گھنٹہ رفتار کے ساتھ دوڑائے گا۔

دنیا میں کاریں بنانے والی زیادہ تر کمپنیاں بیٹری الیکٹرک گاڑیوں پر توجہ مرکوز کر رہی ہیں، لیکن ٹویوٹا اور ہنڈائی کی توجہ ہائیڈروجن گاڑیوں کی طرف ہے۔

Comments

یہ بھی پڑھیں