لاہور: ترجمان نون لیگ مریم اورنگزیب کا کہنا ہے کہ کسی بھی چینل کے خلاف بات کرنےکےحق میں نہیں ہوں، کسی نےچینل کے خلاف زبان استعمال کی تو سوشل میڈیا ٹیم سےبات کرونگی۔
تفصیلات کے مطابق لاہور میں پریس کانفرنس کرتے ہوئے مریم اورنگزیب سے اے آر وائی نیوز کے خلاف گزشتہ روز ن لیگ کے سوشل میڈیا ٹرینڈ سےمتعلق سوال کیا گیا تو انہوں نے کہا کہ کسی بھی چینل کےخلاف بات کرنے کےحق میں نہیں ہوں، سوشل میڈیا پر وہ لوگ ہیں جوعوامی بات کرتےہیں انکو دکھ ہوتا ہے۔
مریم اورنگزیب نے کہا کہ گزشتہ ہفتےخبر آئی کہ حمزہ شہباز اور مریم نواز میں لڑائی ہوگئی، میڈیا چینلز کی جانب سے وہ رپورٹنگ ہوتی ہےجس کا حقیقت سےتعلق نہیں ہوتا، اس سے کارکنوں کی عزت نفس مجروح ہوتی ہے۔
ترجمان نون لیگ کا کہنا تھا کہ میڈیا چینل،اخبار یا صحافی کےخلاف بات کرنےکےحق میں نہیں، کسی نےچینل کے خلاف زبان استعمال کی توسوشل میڈیا ٹیم سےبات کرونگی، سوال کرنے والے کو گالی دینے والوں کی نفی کرنا ہو گی اور سب کواخلاقی ذمےداری کا مظاہرہ کرنا ہوگا۔
واضح رہے کہ گذشتہ روز ٹوئٹر پر جج کیخلاف ہرزہ سرائی کرنے والوں کو بےنقاب کرنے پر ن لیگ سوشل میڈیا ٹیم نے اے آر وائی کیخلاف گالم گلوچ کاٹرینڈ چلایا تھا۔
یہ بھی پڑھیں: ن لیگ نے اے آر وائی نیوز کے خلاف گالم گلوچ کا ٹرینڈ چلا دیا
سپریم کورٹ کے جج کے خلاف گھناؤنی مہم ن لیگ کی سوشل میڈیا ٹیم نے چلائی تھی، مہم میں بینچ میں شامل جج کے خلاف نازیبا زبان استعمال کی گئی، جن ٹوئٹر اکاؤنٹ سے مہم چلائی جارہی ہے بیشتر کو مریم نواز فالو کرتی ہیں۔
واضح رہے کہ سپریم کورٹ نے این اے75ڈسکہ میں 10اپریل کو ہونیوالی پولنگ روکتے ہوئے حکم امتناع جاری کیا تھا، الیکشن کمیشن نے 10اپریل کو پورے حلقے میں دوبارہ پولنگ کا حکم دیا تھا۔
