کراچی: قومی کرکٹر شعیب ملک کی اہلیہ ثانیہ مرزا نے بابر اعظم کو جان سے مارنے کی دھمکی دے دی۔
قومی کرکٹ ٹیم کے سابق کپتان شعیب ملک کی اہلیہ اور بابر اعظم انسٹاگرام پر لائیو سیشن میں گفتگو کررہے تھے جس پر شعیب ملک نے ان سے ایک سوال کیا اور بابر اعظم نے اس کا سیدھا سا جواب بھی دے دیا۔
اس جواب پر بھارتی ٹینس اسٹار ثانیہ مرزا کا ردعمل سامنے آیا جسے دیکھ کر قومی کرکٹ ٹیم کے بلے بازبھی حیران رہ گئے کیونکہ انہیں ثانیہ مرزا نے جان سے مارنے کی دھمکی دی۔
ہوا کچھ یوں کہ شعیب ملک نے سوال کیا کہ قومی کرکٹرز کی اہلیہ میں آپ کی سب سے فیوریٹ بھابھی کون سی ہیں؟ جس پر بابر اعظم نے کہا کہ یہ بہت مشکل سوال ہے، بابر نے پوچھا ایک کا نام بتانا ہے۔
شعیب ملک نے کہا جی ہاں ایک ہی نام بتانا ہے، بابر کافی سوچ بچار کے بعد جواب دیتے ہوئے کہا کہ سیفی بھائی یعنی سرفراز احمد کی اہلیہ خوش بخت سرفرار کی عادات مجھے پسند ہیں۔
How sweet @babarazam258 bhai😊 https://t.co/yZPsHbh23P
— Khushbakht Sarfaraz (@sarfarazkhush) June 20, 2020
بابر اعظم کے اس جواب پر ٹویٹر پر خوش بخت سرفراز نے تو خوشی کا اظہار کیا لیکن دوسری بھابھی ثانیہ مرزا نے مزاحیہ انداز میں بابر اعظم کو جان سے مارنے کی دھمکی دی انہوں نے کہا کہ ’میں تمہیں جان سے مار دوں گی‘۔
