The news is by your side.

Advertisement

پشاور ایئرپورٹ : سراغ رساں کتوں نے کورونا مریض کی نشاندہی کرلی

کراچی : پشاور کے باچا خان انٹرنیشنل ایئرپورٹ پر دو سراغ رساں کتے پہنچا دیئے گئے ہیں، پاک فوج کے کینائن سینٹر کے تربیت یافتہ کتوں کی مدد سے کورونا مریضوں کی نشاندہی شروع کردی گئی ہے۔

اس حوالے سے ذرائع کا کہنا ہے کہ ملک بھر میں کورونا وائرس کے پھیلاؤ کی روک تھام کیلیے متعدد حکومتی اقدامات کیے جارہے ہیں، جس کا مقصد عوام کو اس وبا کی تباہ کاریوں سے محفوظ رکھنا ہے۔

اس سلسے میں پشاور کے باچا خان انٹرنیشنل ایئرپورٹ پر انتظامیہ کی جانب سے دو سراغ رساں کتوں کی خدمات لینے کا فیصلہ کیا گیا جس کے تحت ایئرپورٹ پر دو سراغ رساں کتے پہنچا دیئے گئے۔

پشاور ایئرپورٹ پر تربیت یافتہ دو سراغ رساں کتوں نے ایک کورونا مریض کی نشاندہی کرلی، مذکورہ مسافر نجی ایئرلائن کی پرواز پی اے611کے ذریعے177مسافر دبئی سے پشاور پہنچا تھا۔

سراغ رساں کتوں کو آج ہی کورونا مریضوں کی نشاندہی کیلئے پہنچایا گیا تھا، کتے مسافروں کا سوائب سونگھ کر کورونا موجودگی کی نشاندہی کرتے ہیں۔

ائیر پورٹ مینجر کے مطابق پشاور ایئرپورٹ پر کورونا خصوصی ہیلتھ ڈیسک بھی قائم کردی گئی ہے ، اے سی سی کی ٹیم محکمہ صحت کی ٹیم کی معاونت جاری رکھے ہوئے ہے، سراغ رساں کتوں کو کورونا مریضوں کی نشاندہی کے لیے استعمال شروع کردیا گیا ہے۔

مذکورہ ہیلتھ ڈیسک پشاور ایئرپورٹ کے بین الاقوامی آمد لاؤنج میں بنایا گیا ہے، بیرون ملک سے آنے والے مسافروں کے سویپ ٹیسٹ کو سراغ رساں کتوں نےآج سے ہی چیک کرنا شروع کردیا ہے۔

سراغ رساں کتوں کو این سی اوسی کی ہدایت پر پشاور ایئرپورٹ پر لایا گیا یے، نجی ایئرلائن کی پرواز پی اے 611کے ذریعے177 مسافر دبئی سے پشاور پہنچے تھے، ایک مسافر کا ٹیسٹ مثبت نکلا، سراغ رساں کتے نےسو ئیپ ٹیسٹ کو چیک کیا تھا۔

Comments

یہ بھی پڑھیں