کرکٹ میں توہین آمیز الفاظ اور گھٹیا ریمارکس بدقسمتی سے پاکستان میں ایک بڑھتا ہوا رجحان بنتا جا رہا ہے یہ پہلا موقع نہیں جب کسی کھلاڑی کو وحشیانہ تنقید اور اس طرح کے نعروں کا نشانہ بنایا گیا ہو۔
پاکستان کے بائیں ہاتھ کے بلے باز شان مسعود کو اتوار کو پاکستان اور نیوزی لینڈ کے درمیان پانچویں ون ڈے انٹرنیشنل کے دوران تماشائیوں کی جانب سے ‘پرچی’ کے نعروں کا سامنا کرنا پڑا۔
قومی ٹیم کے مڈل آرڈر پلیئر افتخاراحمد نے افسوس کا اظہار کرتے ہوئے نعروں کی مذمت کی ہے۔انہوں نے کہا کہ ایسی زبان کا سہارا لینا واقعی افسوسناک ہے ایسے طنزیہ نعروں کا شکار میں خود بھی ہوا ہوں۔
Is video ko dekh ke bohat afsoos hua. Aisay taunts ka shikaar mein khud bhi raha hoon. @shani_official is one of the most hardworking & fittest player in the team with amazing work ethics. He has earned his spot through various performances & a lot of runs pic.twitter.com/9hj9JbDrmt
— Iftikhar Ahmad (@IftiMania) May 8, 2023
انہوں نے شان مسعود کی تعریف کرتے ہوئے اوپنر کو ٹیم میں سب سے زیادہ ‘محنتی’ اور ‘فٹسٹ’ کھلاڑی قرار دیا۔
فاسٹ بولر محمد عامر نے ردعمل دیتے ہوئے کہا کہ ایسے شائقین کو اللہ ہی خوش کر سکتا ہے، شان مسعود اپنی کارکردگی کی بنیاد پر ہی ٹیم میں آئے تھے۔
