The news is by your side.

Advertisement

نواز شریف کی گرفتاری کا وارنٹ جاری، کاپی وزارت خارجہ کو ارسال

اسلام آباد : اسلام آباد ہائی کورٹ رجسٹرار نے نوازشریف کے وارنٹ جاری کرتے ہوئے کاپی وزارت خارجہ کو بھجوادی، وارنٹ میں دفتر خارجہ کو برطانیہ میں ہائی کمیشن کے ذریعے وارنٹ کی تعمیل کا حکم دیا گیا ہے۔

تفصیلات کے مطابق سابق وزیراعظم نواز شریف کی العزیزیہ اور ایون فیلڈ اپیلوں سے متعلق عدالتی حکم پر رجسٹرار افس نے عملدرآمد شروع کر دیا،عدالتی حکم پر اسلام آباد ہائیکورٹ نے دفتر خارجہ کو نواز شریف کی گرفتاری کیلئے نوٹس جاری کر دیا۔

اسلام آباد ہائی کورٹ کے ڈاک اٹ برانچ نے خصوصی میسنجر کے ذریعے نواز شریف کی گرفتاری سے متعلق نوٹس کی کاپیاں سیکرٹری خارجہ کو بھجوادی ہے۔

نوٹس میں دفتر خارجہ کوبرطانیہ میں ہائی کمیشن کے ذریعے وارنٹ کی تعمیل کا حکم دیا گیا اور کہا نواز شریف کی 22 ستمبر اور دیگر تاریخوں پر حاضری یقینی بنائی جائے جبکہ ایون فیلڈ اور العزیزیہ ریفرنس اپیلوں پر سماعت کیلئے آئندہ سماعت پر ذاتی حیثیت میں پیش ہوں۔

وارنٹ اسسٹنٹ رجسٹرار کی جانب سے سیکرٹری خارجہ کو ارسال کیے گئے۔

یاد رہے اسلام آباد ہائیکورٹ نے پندرہ ستمبر کو العزیزیہ ریفرنس میں نواز شریف کے ناقابل ضمانت وارنٹ گرفتاری جاری کرنے کا حکم دیا اور ریفرنس میں ضمانت کا حکم ختم کردیا تھا۔

Comments

یہ بھی پڑھیں