The news is by your side.

Advertisement

وزیراعظم کے احکامات پر کل ملک بھر میں یوم یکجہتی کشمیر منایا جائے گا، اعجاز شاہ

اسلام آباد: وفاقی وزیر داخلہ اعجاز احمد شاہ نے کہا ہے کہ وزیراعظم کے احکامات پر کل ملک بھر میں یوم یکجہتی کشمیر منایا جائے گا، قوم سے گزارش ہے اپنی آواز کشمیر کے لئے بلند کریں۔

تفصیلات کے مطابق وزیر داخلہ اعجاز احمد شاہ کا 27ستمبرکو یوم یکجہتی کشمیرسے متعلق بیان میں کہا کہ وزیراعظم کے احکامات پر کل ملک بھر میں یوم یکجہتی کشمیر منایا جائے گا، انسانی حقوق کی خلاف ورزیوں پرآوازاٹھانااخلاقی ذمہ داری ہے۔

اعجازشاہ کا کہنا تھا کہ بھارت نےمقبوضہ کشمیر میں 52روزسےکرفیو نافذ کر رکھا ہے، جان بچانیوالی دوائیں،خوراک تک میسرنہیں، مقبوضہ کشمیرکے مسلمان مسلم امہ کی طرف دیکھ رہے ہیں۔

وزیرداخلہ نے کہا آج مقبوضہ کشمیرمیں انسانی حقوق کی خلاف ورزیوں پردنیاسراپااحتجاج ہے، قوم سے گزارش ہے اپنی آواز کشمیر کے لئے بلند کریں، کل وزیر اعظم پوری دنیا کےسامنےکشمیر کیلئےآواز بلند کریں گے۔

ان کا مزید کہنا تھا کہ ہمیں ذمہ دار قوم کی حیثیت سے ظلم کے خلاف کھڑا ہونا ہے، کل وزیر اعظم نے اسلام کے پرامن ہونےکا پیغام دیا، ہمیں امن ، انصاف کیلئے ایک ہو کر عملی ثبوت دینا چاہیئے۔

مزید پڑھیں : کشمیریوں سے اظہار یکجہتی کے لیے جمعہ کو ملک بھر میں یوم کشمیر منایا جائے گا

گذشتہ روز حکومت نے کشمیریوں سے اظہار یکجہتی کے لیے جمعہ کو ملک بھر میں یوم کشمیر منانے کا اعلان کیا تھا ، جمعہ کو ملک بھر میں قومی پرچم بھی سرنگوں رہیں گے، یوم کشمیر منانے کا مقصد کشمیریوں پر مظالم دنیا کے سامنے لانا ہے۔

خیال رہے جمعہ کو ہی وزیراعظم عمران خان اقوام متحدہ میں خطاب کریں گے، عمران خان کشمیر میں مظالم سے دنیا کو آگاہ کریں گے۔

Comments

comments

یہ بھی پڑھیں