شیخوپورہ: نہروں میں غیر قانونی کٹ لگا کر پانی چوری کرنے والے با اثر زمینداروں پر رپورٹ تیار کر لی گئی ہے۔
تفصیلات کے مطابق پنجاب کے شہر شیخوپورہ میں 8 سے زیادہ مقامات پر نہری پانی چوری کیے جانے کا انکشاف ہوا ہے، ذرائع کا کہنا ہے کہ گجیانہ، ٹھٹھہ قادرشاہ اور گجیانہ نیا میں پانی چوری ہو رہا ہے۔
ذرائع کے مطابق با اثر زمیندار نہروں میں غیر قانونی طور پر کٹ لگا کر پانی چوری کرتے ہیں، یہ پانی چھوٹے کاشت کاروں کو فروخت بھی کیا جاتا ہے، اس سلسلے میں ایک سرکاری ادارے نے رپورٹ تیار کر کے حکومت کو بھیج دی ہے۔
- Advertisement -
سب ڈویژنل آفیسر کے مطابق زمینداروں کے خلاف رپورٹس تھانہ صدر فاروق آباد میں بھیجی جا چکی ہیں، تاہم تھانے کا عملہ مقدمات درج کرنے میں ٹال مٹول سے کام لے رہا ہے، دوسری طرف پولیس کا کہنا ہے کہ عملہ نہری پانی چوروں کے خلاف مقدمات درج کر رہا ہے۔
