پشاور: نوازشریف کڈنی اسپتال سوات میں غیر قانونی بھرتیوں کا مقدمہ درج کرلیا گیا ، 66افرادکی بھرتیاں پی ٹی آئی کےدورحکومت میں کی گئی تھیں۔
تفصیلات کے مطابق محکمہ اینٹی کرپشن نے نواز شریف کڈنی اسپتال سوات میں غیرقانونی بھرتیوں کا مقدمہ درج کرلیا۔
محکمہ اینٹی کرپشن نے بتایا کہ 66 افراد کی بھرتیاں پی ٹی آئی کےدورحکومت میں کی گئی تھیں، غیر قانونی بھرتیوں میں سابق ایم این ایز اور ایم پی ایز ملوث ہیں۔
محکمہ صحت کے افسران اور سابق ڈپٹی کمشنرسوات بھی مقدمے میں نامزد کیا گیا ہے، جن میں سابق وزیر ڈاکٹر امجد، سابق ایم این اے حیدر علی، نادیہ بشیر، فضل حکیم اور عزیزالہ گران شامل ہیں۔
محکمہ اینٹی کرپشن کا کہنا ہے کہ ملزمان کی گرفتاریوں کے لیے چھاپے مارے جارہے ہیں، معاملے کی تحقیقات شہری محمد طاہر کی درخواست پرشروع کی گئیں۔
