بعض افراد رات کو جلدی کھانا کھا لیتے ہیں، جس کی وجہ سے انہیں رات کو سونے سے قبل بھی بھوک محسوس ہوتی ہے، اس وقت انہیں چاہئے کہ ایسی چیز کھا کر اپنی بھوک مٹائیں جس سے ان کا ہاضمہ متاثر نہ ہو۔
آج ہم آپ کو ایسی ہلکی پھلکی غذاؤں سے روشناس کرائیں گے جن کے آپ کی صحت پر مضر نہیں بلکہ اچھے اثرات مرتب ہوں گے۔
ماہرین کے مطابق سونے سے قبل اگر آپ کو بھوک محسوس ہورہی ہے تو ایسی غذا استعمال کریں جس میں شوگر، کیفین اور یہاں تک کہ کاربوہائیڈریٹ کی مقدار بھی کم ہو۔
کیونکہ رات کے اوقات میں نظام انہضام کافی سست ہوتا ہے اور جو کھانا بھی آپ کھاتے ہیں وہ ہضم ہونے کے بجائے جسم میں جمع ہونے لگتا ہے، جوکہ آپ کی صحت کے لئے انتہائی مضر ہے۔
پروٹین پر مبنی غذائیں آپ کو پرسکون رکھنے کے ساتھ نیند سے وابستہ امینو ایسڈ کی مناسب مقدار فراہم کرتی ہیں، اور زیادہ کھانے کی خواہش کو بڑھانے کے بجائے بھوک کو مناسب طریقے سے روکتی ہیں۔
یہاں ہم آپ کو کچھ ایسی غذاؤں کے حوالے سے بتارہے ہیں جو آپ کی بھو ک کو ختم کرنے کے ساتھ آپ کی پر سکون نیند میں بھی انتہائی مدد گار ثابت ہوں گی۔
بیج اور مٹھی بھر گری دار میوے
خاص طور پر رات کے لیے گری دار میوے اور بیج بہترین غذائیں ہیں کیونکہ یہ صحت بخش چکنائی اور پروٹین سمیت صحت بخش غذائی اجزاء کی ایک مخصوص رینج پیش کرتے ہیں۔
پاپ کارن
ایک ہول اناج کاربوہائیڈریٹ جس میں پروٹین اور غذائی ریشہ موجود ہو اس کا فی کپ 100 سے کم کیلوریز فراہم کرتا ہے رات کے لیے بہترین انتخاب ہے چپس کے بجائے رات میں پاپ کارن سے آپ اپنی بھوک سے چھٹکارا حاصل کرسکتے ہیں۔
مکمل اناج کے کریکر اور پنیر:
کیلشیم، میگنیشیم اور پروٹین سمیت متعدد غذائی اجزاء سے بھرپور یہ کریکر جنہیں آپ ہلکے سے پنیر کے ساتھ استعمال کرسکتے ہیں، یہ آپ کی بھوک کو ختم کرنے کے لئے بہترین ہے، جبکہ اسے استعمال کرکے آپ کو نیند بھی اچھی آئے گی۔
سادہ دہی پھل کے ساتھ
اگرچہ پھلوں میں قدرتی طور پر شکرموجود ہوتی ہے تاہم یہ کاربوہائیڈریٹس کی کثیر مقدار بھی پیش کرتے ہیں اس لیے انہیں رات میں کھانا مناسب نہیں ہے، اس لیے اس کے بجائے، ایسے پھل جن میں چینی کم پائی جاتی ہے جیسے بیریاں سادہ دہی میں ڈال استعمال کی جاسکتی ہیں۔
