اسلام آباد: عالمی مالیاتی فنڈ ( آئی ایم ایف) نے پاکستان کیلئے قرض پروگرام بحال کرتے ہوئے قسط جاری کرنے کی منظوری دے دی ہے۔
میڈیا رپورٹ کے مطابق آئی ایم ایف ایگزیکٹو بورڈ نے آج ہونے والے اجلاس میں پاکستان کے ساتھ ہونے والے اسٹاف لیول معاہدے کی منظوری دے دی ہے، ایگزیکٹو بورڈ نے پاکستان کا قرض پروگرام بحال کرتے ہوئے 1.17 ارب ڈالر کی قسط جاری کرنے کی منظوری دی ہے۔
ذرائع کا کہنا ہے کہ قرض کی یہ رقم آئی ایم ایف کی جانب سے اسی ہفتے پاکستان کو منتقل کر دی جائے گی۔
دوسری جانب وزیر خزانہ مفتاح اسماعیل نے بھی آئی ایم ایف پروگرام کی بحالی کی تصدیق کردی ہے، سماجی رابطے کی ویب سائٹ ٹوئٹر پر اپنے بیان میں مفتاح اسماعیل نے کہا کہ قوم کو مبارک ہو پاکستان نادہندہ ہونے سے بچ گیا ہے۔
Alhamdolillah the IMF Board has approved the revival of our EFF program. We should now be getting the 7th & 8th tranche of $1.17 billion. I want to thank the Prime Minister @CMShehbaz for taking so many tough decisions and saving Pakistan from default. I congratulate the nation.
— Miftah Ismail (@MiftahIsmail) August 29, 2022
انہوں نے کہا کہ آئی ایم ایف نے پاکستان کا پروگرام بحال کردیا ہے، جس کے بعد پاکستان کو قرض کی ساتویں اور آٹھویں قسط مل جائے گی۔
