بیجنگ: مقبول ترین مختصر ویڈیو شیئرنگ موبائل ایپ ’ٹک ٹاک‘ بنانے والی کمپنی ’بیٹاڈانس‘ نے بھارت میں اپنی دو اپیلیکیشنز بند کرنے کا اعلان کردیا ہے۔
غیرملکی خبررساں ادارے کی رپورٹ کے مطابق چینی کمپنی بیٹاڈانس ٹک ٹاک طرز کی اپنی دو ’ویگو ویڈیو‘ اور ’ویگولائٹ‘ اپیلیکیشنز بھارت میں بند کرنے جارہی ہے اور صارفین کو ہدایت کی گئی ہے کہ وہ ٹک ٹاک ایپ ڈاؤن لوڈ کرلیں۔
کمپنی نے مشورہ دیا ہے کہ ویگو ویڈیو ار ویگو لائٹ کے صارفین اب ٹک ٹاک کی طرف آجائیں تاکہ وہ متبادل سوشل میڈیا پلیٹ فارم سے اپنی سرگرمیاں برقرار رکھ سکیں، ممکنہ طور پر مذکورہ دونوں ایپس رواں سال اکتوبر میں بند کرجائیں گی، کمپنی نے اپنے انتباہی پیغام میں صارفین کو آگاہ کردیا ہے۔
بیٹاڈانس ویگو ویڈیو اور ویگولائٹ کے صارفین کو اپنا اکاؤنٹ ٹاک ٹاک پر ٹرانسفر کرنے کی بھی سہولت فراہم کررہی ہے۔ کمپنی اس سے قبل برازیل اور مشرقی وسطیٰ کے کئی ممالک میں مذکورہ ایپس بند کرچکی ہے۔
ٹک ٹاک نے بڑی پابندی عائد کردی
مشہور کریٹرز اور شخصیات کو اپنا مواد ٹک ٹاک پر ٹرانسفر کرنے کے لیے بھی مواقع فراہم کیے جائیں گے، تاکہ وہ اپنی سرگرمیاں اور ویڈیوز بنانے کا سلسلہ ٹاک ٹاک پر شروع کرسکیں۔
خیال رہے کہ بھارت میں ویگو ویڈیوز ایپس کمپنی کی توقع پر پورا نہ اترسکی اسی بنیاد پر انہیں بند کرنے کا اعلان کیا گیا۔ جبکہ ان کے برعکس ٹک ٹاک نے پوری دنیا میں دھوم مچارکھی ہے۔
