کورونا میں مبتلا ہونے کے بعد مایہ ناز آل راؤنڈر شاہد خان آفریدی کا اہم بیان سامنے آگیا۔
ٹوئٹر پر جاری بیان میں شاہد آفریدی نے کہا کہ بدقسمتی سے میرا کورونا ٹیسٹ مثبت آیا ہے لیکن کوئی علامات نہیں ہیں۔
انہوں نے لکھا کہ انشاء اللہ جلد صحت یاب ہو کر ٹیم جوائن کر لوں گا اپنےآخری پی ایس ایل میں بہترین کھیل پیش کرناچاہتا ہوں۔
شاہد آفریدی کی جانب سے پی ایس ایل ٹیموں کیلئے نیک خواہشات کا اظہار بھی کیا گیا ہے۔
I have unfortunately tested positive but have no symptoms at all. InshALLAH hope to recover soon, test negative and rejoin QG as soon as possible. Good luck to all teams in #HBLPSL7 I'm committed to giving it my all in my last PSL edition. pic.twitter.com/wCiEb5laZS
— Shahid Afridi (@SAfridiOfficial) January 27, 2022
کوئٹہ گلیڈی ایٹرز کے آل راؤنڈر شاہد آفریدی کا کورونا ٹیسٹ مثبت آیا ہے، کورونا ٹیسٹ مثبت آنے کے بعد انہوں نے خود کو گھر میں قرنطینہ کرلیا ہے، جہاں وہ پاکستان کرکٹ بورڈ (پی سی بی)کی جانب سے وضع کردہ ایس او پیز کے تحت اپنا قرنطینہ مکمل کریں گے۔
آئسولیشن مکمل ہونے پر شاہد آفریدی کا دوبارہ ٹیسٹ ہوگا، ٹیسٹ منفی آنے پر آفریدی دوبارہ ٹیم جوائن کرسکیں گے۔
گذشتہ روز یہ خبر سامنے آئی تھی کہ شاہد آفریدی کمر کی تکلیف کے باعث کوئٹہ گلیڈی ایٹرز کی جانب سے ابتدائی دو میچز نہیں کھیل سکیں گے ساتھ ہی اہلیہ کی بہن (سالی ) کے انتقال کے باعث وہ بائیو سیکیور ببل سے نکل کر گھر منتقل ہوئے تھے۔
