اسلام آباد: چیئرمین پاکستان تحریک انصاف عمران خان نے پیٹرولیم مصنوعات کی قیمتوں میں ایک بار اضافے پر شہباز حکومت کو آڑے ہاتھوں لیا ہے۔
سماجی رابطے کی ویب سائٹ ٹوئٹر پر جاری بیان میں عمران خان نے کہا کہ روس سےسستا تیل خریدنےکے بجائے امریکی سازش کے تحت لائی گئی ‘درآمدی حکومت’ عوام پر ناقابل برداشت بوجھ ڈال رہی ہے، اب تک پیٹرول کی قیمت میں99 روپے جبکہ ڈیزل کی قیمت میں 133 روپے کا اضافہ کیا جاچکا ہے۔
چیئرمین پی ٹی آئی نے شہباز حکومت پر الزام عائد کیا کہ امپورٹڈ حکومت خود کو گیارہ سو ارب کا این آر او ٹو دے رہی ہے۔
یہ بھی پڑھیں: پی ٹی آئی کو پریڈ گراؤنڈ جلسے کی مشروط اجازت مل گئی
اپنے ٹوئٹ میں سابق وزیراعظم نے عوام سے اپیل کی کہ وہ کل امپورٹڈ حکومت کے خلاف ہمارے احتجاج میں شامل ہوں۔
Instead of buying cheaper oil from Russia Imported govt, brought in by US regime change conspiracy, continues to put unbearable burden on people while giving themselves NRO2 worth Rs 1100 bn. Total increase Rs 99 for petrol, Rs 133 for diesel. Join our protest ag this tomorrow. pic.twitter.com/JnXIbtkAUx
— Imran Khan (@ImranKhanPTI) July 1, 2022
واضح رہے کہ پاکستان تحریک انصاف کل پریڈ گراؤنڈ میں حکومت مخالف احتجاج کرنے جارہی ہے، پی ٹی آئی کی جانب سے احتجاج کا موضوع’ چوروں کو ریلیف، عوام کو تکلیف’ رکھا گیا ہے۔
دوسری جانب پاکستان تحریک انصاف کو دارالحکومت اسلام آباد کے پریڈ گراؤنڈ میں عوامی جلسے کا این او سی جاری کردیا گیا ہے۔
اسلام آباد انتظامیہ نے این او سی میں کہا ہے کہ احتجاج کے دوران ریاست کے خلاف نعرے بازی نہیں ہوگی، پریڈ گراؤنڈ میں احتجاج مقررہ وقت میں ختم کرنا ہوگا اور دھرنے کی اجازت نہیں ہوگی۔
پی ٹی آئی کو پریڈ گراؤنڈ جلسے کا این او سی جی ایچ کیو کی اجازت سے مشروط کیا گیا۔
