پاکستان شوبز انڈسٹری کے معروف اداکار و گلوکار عمران عباس نے شادی نہ کرنے کی دلچسپ وجہ بتادی ہے۔
ماڈل و اداکار عمران عباس نے فوٹو اینڈ شیئرنگ ایپ انسٹاگرام پر ایک اسٹوری شیئر کی ہے جس میں انہوں نے بتایا کہ وہ اب تک سنگل کیوں ہیں؟
عمران عباس نے انسٹا اسٹوری شیئر کرتے ہوئے لکھا کہ’’ مجھے سنگل رہنا پسند ہے، جب بھی مجھے اپنے آپ کی ضرورت محسوس ہو تو میں اپنے لیے ہمیشہ موجود رہتا ہوں‘‘۔
عمران عباس متعدد بار اپنی خوبصورت شخصیت اور منفرد چہرے کے خدو خال کے سبب مردوں کے مقابلہ حسن میں پہلا نمبر بھی حاصل کر چکے ہیں جبکہ پاکستانی اداکار میں سب سے زیادہ فالو کیے جانے کا اداکار کا اعزاز بھی انہیں حاصل ہے۔
عمران عباس اے آر وائی ڈیجیٹل کے متعدد بلاک بسٹر ڈرامہ سیریلز میں اپنی جاندار اداکاری کے جوہر دکھا چکے ہیں حال ہی میں انہوں نے ڈرامہ سیریل ’تھوڑا سا حق‘ میں عائزہ خان کے ساتھ مرکزی کردار ادا کیا تھا۔
اس سے قبل عمران عباس نے اے آر وائی ڈیجیٹل کے پروگرام میں انکشاف کیا تھا کہ انہیں بھارتی فلموں عاشقی ٹو، رام لیلا، اور گزارش کی پیشکش ہوئی تھی۔
