لاہور : چیئرمین پی ٹی آئی عمران خان نے پارٹی کے مرکزی رہنماؤں کا اجلاس آج طلب کرلیا، جس میں پنجاب اسمبلی کی تحلیل سے متعلق اہم فیصلہ متوقع ہے۔
تفصیلات کے مطابق چیئرمین پی ٹی آئی عمران خان نے پارٹی کے مرکزی رہنماؤں کا اجلاس آج طلب کرلیا۔
اجلاس میں شاہ محمود قریشی ،فواد چوہدری ،شفقت محمود ،مسرت جمشید چیمہ و دیگر رہنما شریک ہوں گے۔
ذرائع نے بتایا کہ اجلاس میں پنجاب اسمبلی تحلیل کرنےکی تاریخ پربھی مشاورت کی جائے گی۔
اس کے علاوہ عمران خان کے لبرٹی چوک میں اسمبلی تحلیل کے متوقع اعلان پر بھی مشاورت ہوگی، جس کے بعد چیئرمین تحریک انصاف آج پنجاب اسمبلی تحلیل کرنےپراہم فیصلہ کریں گے۔
پارٹی ذرائع کا کہنا ہے کہ اسمبلی کی تحلیل کے حوالے سے عمران خان کی چوہدری پرویز الٰہی سے بھی ملاقات بھی متوقع ہے۔
گذشتہ ماہ چیئرمین پی ٹی آئی عمران خان نے کہا تھا کہ اسی ماہ اسمبلی تحلیل ہونے جارہی ہے،20دسمبر سےقبل اسمبلی تحلیل کی تاریخ کا اعلان کردیا جائے گا۔
