لاہور: چیئرمین تحریک انصاف عمران خان نے کہا ہے کہ میرے خوف کی وجہ سے نوازشریف اور آصف زرداری عام انتخابات سے راہ فرار اختیار کررہے ہیں۔
یہ بات انہوں نے زمان پارک لاہور میں ملاقات کیلئے آنے والے سینئر صحافیوں کے وفد سے گفتگو کرتے ہوئے کہی۔
انہوں نے کہا کہ اسٹیبلشمنٹ ایک حقیقت ہے، قانون کی حکمرانی میں وہی بہتر کردار ادا کرسکتی ہے، تاہم اسٹیبلشمنٹ سے اس وقت کوئی رابطہ نہیں ہے۔
ان کا کہنا تھا کہ اسٹیبلشمنٹ میں اوپر بیٹھا ہوا شخص ہی سب کچھ ہوتا ہے، اسی لیے جنرل (ر) باجوہ سے بھی رابطہ رہتا تھا۔
چیئرمین پی ٹی آئی نے کہا کہ حکومت انتخابات2023سے بھی آگے لے کر جانا چاہتی ہے، معاشی صورتحال میں انتخابات کو آگے لے کر جانا ممکن نہیں ہے۔
عمران خان نے کہا کہ معیشت کی یہی صورتحال رہی تو اگلے سال فروری یا مارچ تک ملک ڈیفالٹ کرجائے گا، مجھے بند گلی میں دھکیلنے کا مطلب ملک کو بند گلی میں دھکیلنا ہے۔