لاہور : چیئرمین تحریک انصاف عمران خان نے 5 بجے عدالت میں پیش ہونے کا فیصلہ کرلیا۔
تفصیلات کے مطابق چیئرمین تحریک انصاف عمران خان نے عدالتی حکم پر 5 بجے عدالت میں پیش ہونے کا فیصلہ کرلیا۔
تحریک انصاف کے رہنما فواد چوہدری نے اپنے ٹوئٹ میں لکھا ‘عمران خان 4:15 بجے ہائیکورٹ پہنچ جائیں گے’۔
عمران خان چار سوا چار بجے عدالت پہنچ جائینگے ، یہ حاضری میڈیکل اور سیکیورٹی دونوں ذمہ داران کی رائے کے خلاف صرف عدالتی احترام کیلئے ہے ورنہ نہ یہ کوئ کیس ہے نہ بلائے جانے کا کوئ جواز۔۔
— Ch Fawad Hussain (@fawadchaudhry) February 20, 2023
پی ٹی آئی رہنما حماداظہر نے اپنے بیان میں کہا کہ عمران خان زمان پارک سے آدھے گھنٹے میں ہائیکورٹ کیلئے روانہ ہوں گے اور انشاللہ 4 بجے ہائی کورٹ پہنچ جائیں گے۔
دوسری جانب تحریک انصاف کے رہنما فرخ حبیب نے میڈیا سے گفتگو کرتے ہوئے کہا کہ عمران خان کی جان پردوبارہ حملےکاخطرہ ہے، عمران خان کی جان کوشدیدتھریٹ الرٹس ہیں اور ڈاکٹرز نے سختی سے ہدایات دی ہیں کہ احتیاط کریں۔
فرخ حبیب کا کہنا تھا کہ عمران خان کولاہورہائیکورٹ نےبلایاہے، عمران خان پر70 سے زائد مقدمات بنائے گئے، عمران خان قاتلانہ حملے سے پہلے ہر عدالت میں پیش ہوئے، ان کوجہاں جہاں بلایا گیا وہ پیش ہوئے۔
انھوں نے مزید کہا کہ خان صاحب نے ہمیشہ قانون کا احترام کیا ہے، عمران خان نے فیصلہ کیا ہے کہ آج 5 بجے عدالت میں پیش ہوں گے۔